ESPECTÁCULOS DE DANZA EN LAXE ESTE SÁBADO 23 DE ABRIL EN LAXE, ÁS 12.00 hs. NA PRAZA DOS VOLUNTARIOS (se chovese, no Pavillón Polideportivo)
Con motivo de conmemorar o DÍA INTERNACIONAL DA DANZA neste mes de abril do 2022, que a UNESCO fixou dende o ano 1982 o 29 de abril, esta fin de semana, A DEPUTACIÓN DA CORUÑA achega ata Laxe dous espectáculos de DANZA DE COMPAÑÍAS GALEGAS: Elahood e Kirenia Danza.
Con posterioridade ás representacións, os e as artistas, terán un encontro co público que estará mediado por Marcia Vázquez.
MÁIS INFORMACIÓN DO PROGRAMA ESCORA
ESCORA é un proxecto da Deputación da Coruña que busca visilibizar o traballo artístico das compañías de danza galegas, con accións de proximidade que presentan unha oportunidade de achegar a danza a espazos pouco habituais para esta disciplina artística.
A danza contemporánea percorre A Costa da Morte esta fin de semana, tomando o mar como atrezzo e conectando os corpos coa natureza, a través de obras que teñen un importante vínculo coa lingua e coa memoria. Así é a filosofía do programa ESCORA da Deputación da Coruña, que levará 6 compañías de danza a 6 concellos da Costa da Morte, entre os que se atopa o noso Concello.
O proxecto ofrece tres días cheos de danza, con intervencións nas mañás e nas tardes, convidando aos públicos a facer unha ruta pola Costa da Morte, comezando en Fisterra o venres 22 de abril pola mañá e rematando en Malpica de Bergantiños o domingo 24 de abril pola tarde. Deste xeito, ESCORA preséntase como punto de encontro para as artes escénicas, a danza, a paisaxe, o patrimonio, a lingua e a comunidade.
Os espazos escollidos son non convencionais, xerando a oportunidade de achegar a danza ás prazas, á rúa, á pedra, con vontade de presentar unha programación de proximidade para públicos diversos. Seguindo esta intención, unha vez rematadas as intervencións artísticas, haberá un encontro coas artistas e co público, un espazo de intercambio e proximidade mediado por Marcia Vázquez e Sabela Ramos.
Máis información: