II Certame de Escaparates Namoradeiros polo Día de San Valentín

Laxe convoca o II Certame de Escaparates Namoradeiros polo Día de San Valentín

📆 Inscricións abertas do 6 ao 13 de febreiro para os comercios locais

O Concello de Laxe, a través da Concellería de Comercio, Hostalaría, Turismo e Cultura, pon en marcha a segunda edición do Certame de Escaparates Namoradeiros San Valentín 2025, unha iniciativa que busca dinamizar o comercio local e encher as rúas de Laxe de amor e creatividade nesta data tan especial.

🛍️ Obxectivo do certame

A iniciativa pretende implicar ao comercio local na celebración de San Valentín, promovendo escaparates con decoracións orixinais e temáticas relacionadas co amor. Deste xeito, o Concello busca impulsar a economía local e fomentar a participación cidadá a través dun sistema de votación aberto.📆 Prazos e participación

• Inscricións: Do 6 ao 13 de febreiro no Concello.
• Votacións: Do 14 ao 16 de febreiro.
• Resolución: O 17 de febreiro.

🗳 Votacións abertas á veciñanza

A cidadanía poderá participar activamente na elección dos escaparates gañadores mediante dúas vías:
1️⃣ A través dos "Gústame" ou "Encántame" na páxina de Facebook oficial do Concello de Laxe.
2️⃣ Enviando a súa votación por WhatsApp ao número 📞 657 77 0 06.📢 Unha aposta polo comercio de proximidade

Dende o Concello de Laxe anímase a todos os comercios a participar nesta iniciativa, contribuíndo a dinamizar a economía local e a crear un ambiente atractivo e cheo de encanto para veciñanza e visitantes.💘 "Con este certame queremos que o amor se sinta tamén nas nosas rúas e establecementos, facendo que Laxe sexa un lugar especial para celebrar San Valentín", sinalan dende a Concellería de Comercio.