27/10/2023 Un obradoiro de cabazas e un roteiro terrorífico farán que o pases de medo este Samaín en Laxe

O Concello de Laxe, con motivo do Samaín, organiza para o vindeiro martes, día 31, unha serie de actividades para  todos os grupos de idade.

Ás 17 horas dará comezo o Obradoiro de Cabazas no Local Social Valle Inclán. Cada persoa que queira asistir, deberá levar a súa propia cabaza, para decorala e para o posterior Roteiro Terrorífico, que se levará a cabo a partir das 19 horas. Estará animado musical e teatralmente e a saída será desde a Casa do Concello. Ao remate realizarase o Acendido de Cabazas, previamente decoradas, para culminar esta xornada.

Desde o Concello de Laxe animan a todas as persoas, veciñanza e visitantes, a vestirse coas súas mellores “galas de medo” para pasar unha tarde “terrorífica”.

Galería de imaxes