Un grupo de voluntarios acudiu este sábado á praia de Traba para participar na limpeza de pellets de plástico organizada polo Concello de Laxe e Protección Civil. Por outra banda, os operarios de Medio Ambiente procederon á limpeza na praia de Soesto.
Equipados con luvas, cubos e coadores, estiveron traballando durante horas de maneira colaborativa e completamente coordinada para eliminar do areal estas pequenas bólas de plástico contaminantes. O seu pequeno tamaño e a gran extensión da praia, atopándose os gránulos moi dispersos, fan que sexa un labor difícil de afrontar.
Desde o Concello de Laxe quixeron agradecer a participación cidadá, que mostrou, unha vez máis, o seu compromiso co medioambiente. O alcalde en funcións, Francisco Charlín, aproveitou para dar as grazas “a todas as persoas que, de maneira completamente desinteresada, estades aquí hoxe, axudándonos e protexendo o noso medio coas vosas propias mans”. O alcalde en funcións agradeceu tamén o traballo dos operarios na praia de Soesto.
<< | < | Maio de 2024 | > | >> | ||
---|---|---|---|---|---|---|
L | Ma | Mé | X | V | S | D |
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |