19/09/2022 O Concello pon en marcha un curso de iniciación á artesanía do coiro

O Concello de Laxe pon en marcha un novo curso de iniciación á artesanía do coiro para que as persoas participantes aprendan a traballar este material creando produtos funcionais, duradeiros e únicos.

A actividade, organizada por Corium Gallaecia en colaboración coa Administración local,  terá unha duración de nove meses a partir do 4 de outubro. As sesións desenvolveranse todos os martes de 19:00 a 22:00 horas no local social Valle Inclán.

O custo do obradoiro é de 37 euros ao mes, material á parte. Máis información e inscricións chamando ao 696 604 367.  

Desde o Concello animan á veciñanza a que participe neste taller xa que “é unha oportunidade única para aprender a traballar o coiro e para saber crear accesorios duradeiros que podemos usar no noso día a día”.