O CONCELLO DE LAXE CONVOCA O V CERTAME DE ESCAPARATES ENTROIDEIROS

• Unha iniciativa para dinamizar o comercio local e encher de cor e creatividade o Entroido

O Concello de Laxe, a través da Concellería de Comercio, Hostalaría, Turismo e Cultura, pon en marcha unha nova edición do Certame de Escaparates Entroideiros, unha iniciativa que busca incentivar a participación do comercio local na celebración do Entroido, enchendo as rúas de cor, alegría e creatividade. Calendario do certame:

• Inscricións: Do 18 ao 28 de febreiro.
• Período de votacións: Do 1 ao 10 de marzo de 2025.
• Anuncio dos gañadores: O 10 de marzo de 2025.

Participación e votacións Para participar, os establecementos deberán decorar os seus escaparates con motivos entroideiros e inscribirse dentro do prazo establecido. A veciñanza e visitantes poderán votar polos seus escaparates favoritos a través de dúas canles:
Reaccionando con "Gústame" ou "Encántame" nas publicacións oficiais do certame.
Enviando a súa votación por WhatsApp ao teléfono de NovasLaxe: 657 771 006.

Un recoñecemento á orixinalidade e ao espírito do Entroido
O establecemento que reciba máis votos será recoñecido co Premio ao Mellor Escaparate Entroideiro 2025, destacando a súa creatividade e contribución á dinamización do comercio local. Dende o Concello de Laxe animamos a toda a veciñanza e ao sector comercial a sumarse a esta celebración e facer que o Entroido sexa unha festa inesquecible.

Para máis información, as persoas interesadas poden contactar coa Concellería de Comercio, Hostalaría, Turismo e Cultura. Concello de Laxe
Concellería de Comercio, Hostalaría, Turismo e Cultura