O alcalde de Laxe, José Luis Pérez Añón, e a súa homóloga en Vimianzo, Mónica Rodríguez, reuníronse durante a mañá deste mércores no Consistorio vimiancés para abordar a situación desta paisaxe natural protexida. Tamén acudiron Raquel Lema, concelleira de Cultura do Concello de Laxe; María José Pose, concelleira de Benestar do Concello de Vimianzo e Víctor Santos, técnico da Administración soneirá.
A Xunta de Galicia anunciou a mediados de agosto o inicio do Plan de Xestión deste espazo natural e paisaxístico, que aínda non conta coa pertinente comunicación oficial a ambas administracións.
Polo tanto, nun primeiro termo acordouse comunicar á Dirección Xeral de Patrimonio, concretamente a Belén Docampo, unha reunión formal para tratar, en primeira instancia, o fondo deste Plan de Xestión, especialmente no ámbito de limpeza, sinalización e requisitos ás propiedades privadas no caso das plantacións.
Tanto a Añón como a Rodríguez lle interesan os pormenores deste documento para coñecer de primeira man os modos de actuación á hora da posible homologación desta ruta, como xa levan coordinando desde hai máis dun ano para impulsar un Plan Estratéxico conxunto da Paisaxe Protexida.
Desde ambas administracións estanse a buscar fontes de financiamento para sustentar unha proposta inicial de proxecto de homologación da ruta de sendeirismo que implica tanto a Laxe como a Vimianzo, ao longo dun espazo natural e patrimonial que aproveita sendeiros tradicionais e servidumes de paso, a través das cales é posible percorrer unha dorsal que se alonga dende a Torre da Moa, pasando pola Pena Forcada, ata o Outeiro da Cachucha, con miradoiros naturais únicos sobre o Val de Traba.
Tanto o rexedor laxense como a alcaldesa de Vimianzo coinciden na “plena coordinación e vontade dos Concellos de Laxe e Vimianzo á hora buscar unha solución e impulsar este plan o antes posible”, xa que “cremos nas posibilidades dun recurso que abrangue ambos municipios e que pode chegar a ser unha das referencias da Costa da Morte”.
<< | < | Febreiro de 2024 | > | >> | ||
---|---|---|---|---|---|---|
L | Ma | Mé | X | V | S | D |
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 |